Various

Har kahani se alag Meri kahani ho

Tum mera jeevan meri zindgani ho

Ki chahta hu itna tumhe ki chahat bhi yahi kahe

Mere dil ki rani tum meri bas meri deewani ho…

Ek pal bhi tanha kaha hota hu

Har pal tere khayal mere sath hote hai

Ki paththar banke jeeta raha tha main

Tere milne ke baad ab yaha mahke bagh hote hai…

Tere asar main khud ko pahchan lu

Aa mere kareeb tujhe jeevan main maan lu

Tere bina adhoora hai mera har  ek pal

Qatra qatra mera aa tujhpe waar du…

Wo ghazal likh kar humse shart lagane lage

Apna dard-e-dil hume batane lage

Aansuo ka apne hisaab manga humse

Samundar ki taraf dekhkar hum muskurane lage…

Mujhe maloom nahi kyu par mujhe ye lagta hai

Meri kismat me koi yaar hi nahi

Kisi ek ke liye sab kuch chhod kar pata chalega

Ki us ek ne humse kiya kabhi pyar hi nahi…

Sab hi roothe hai humse bas ye tanhayi nahi roothti

Ghane andhere me bhi kyu meri parchayi nahi roothti

Jeene ka gham karu ya marke ye kam karu

Kyu tan se mere saanso ki rubai nahi chhotti…

Tu samajh na payega mere lafzo me kya chhupa hai

Tere liye to tere aas paas rehne wala khuda hai

Tu mohabbat ke junoon se abhi waqif hogi der se

Itni jaldi jo aa jaye wo Mohabbat hi kaha hai…

Kabhi kabhi koi yar rooth jata hai

Kabhi yaro ki mehfil hi rooth jati hai

Sab hi rooth jaye fir bhi koi jeeta hai kaise ye ab jana

Humne to suna tha aise me aksar saanse hi chhoot jati hai…

Khud apne ko khush rakhna maine bahut sikha

Kisi aur ko khushi dena nahi aaya

Fir kyu pareshan ho jau main ab

Jab unko bhi andaaz wahi pasand aaya…