Hasti hai chandni ki tarah
Wo baat dua si karti hai
Bahti hai nadiya ki tarah
Kalkal meetha sa karti hai
Akhand jyot ek prem ki
Dil me jalaye rakhti hai
Madhur muskan shahad jaisi
Mere dil me liye rahti hai
Pyar hai mujhse usko itna
Aakash se zami jo karti hai
Pyar hai mujhko itna jitna
Wo hami se karti hai
Sab kuch pana fir kho dena
Mujhko khone se darti hai
Pana khona hai bas me kaha
Zuda hone se darti hai
Pavitra paavan paak prem
Preyasi pyari priyatama
Manohar madhumati
Maan khwabo me mila karti hai
Tareef me uski lafz hai kam
Par khoobiya apaar hai
Lo aaj main fir se kahta hu
Ki mujhko usse pyar hai
Ganga samtulya hai uska mann
Chandi sa ujjawal roop youvan
Adaaye zuda si rakhti hai
Wo mere dil me basti hai…
Wo mere dil me basti hai…!!!
No comments:
Post a Comment