lauta rahe hai tujhko tere dil ka tukda aaj
ye na sochana ki wo kabhi mera dil na hua
tere prem ki saugaat waapis kar raha hoo aaj
galatfahmi hai ye teri mujhko usse ishq naa hua
haa ye jaanta hu ki inaam lautaye nahi jaate
par tere dil ke khwaab ab humse sajaye nahi jaate
iski khwahisho ko jab pankh lag chuke hai
to khatm karke inko dil jalaye nahi jate
aisa nahi ki naa baandhe rakh saki mujhko iski dilkashi
humko pata hai ishq ke armaan kabhi lutaaye nahi jate
tune mujhko jo diya tere dil ki baat thi
aur tere ehsaan ab uthaye nahi jate
gujarish hai tujhse itni ki isko sambhal kar rakhna
apne dil ko amaanat meri maankar rakhna
baakabiliyat se isko le jayenge fir kabhi
"ShreyAs" ki aarzoo ko mat uchaal kar rakhna"
No comments:
Post a Comment