Mohabbat Sikha Gaye

Aate jate wo nazar kuch yun mila gaye

Mohabbat dil ke soone kone me jaga gaye

Agar mil pata agla mouka deedar ka

To batate hum ki humko wo kya kya sikha gaye

Jism kya jaan bhi unki ho gayi

Jo jaankar humko anjana bana gaye

Ae khuda tere siva jhukta tha na kahi

Wo sitamgar mere dil ko apna sajda sikha gaye

Hathon ki lakeere bhi badalne lagi hai tab se

Jab se wo hume nigaho ki dastan likha gaye…

Kuch bhi ab nazar me aaye achcha nahi lagta

Jab se jaanasheen Madhur Muskan dikha gaye…!!!

Tera Ho Jayega

Jis waqt se mera waqt mera ho jayega

Us waqt se wo waqt tera ho jayega…

Jo lamhe kat rahe hai gairo ki hi khatir

Har us lamhe par haq sirf tera ho jayega…

Kahi lagti h ek kami si tere seene me

Tere dil ke panno pe har shabd mera ho jayega…

Tukdo me jee rahe hai pyar k ye pal jo maan

Har pal me pyar ka fir basera ho jayega

Ye jism, Ye rooh, Ye saanse sambhal rakhe h maine

Sab kuch us waqt se tera bas tera ho jayega…!!!

Bin Saat fere Liye

Likh raha hu fir ek ghazal tere liye

Aane wale sare haseen pal tere liye

Waise ab tak bhi nakami na chhu saki mujhko

Par ab koshish h ban jau safal tere liye…

Har rasm aur riwaz har shaksh se pare

Subah sham rehte h tere ehsas ghere huye

Saat janmo ka rishta bandha hai tumse humdum

Ye baat aur h ki bin saat fere liye

Na pooch mujhe kitni meri chahat me shiddat h

Ye dekh tu bhi kitni bechain hai mere liye

Aa haseen todkar har ek chhalti deewar

Bahe failaye khada h kab se ye “Maan” tere liye…!!!